Les Provincies Meridionales o Sahara Marroquín son los nomes con que'l gobiernu de Marruecos denomina a El Sáḥara Occidental.
Tres los alcuerdos de Madrid con España en 1975, Marruecos ocupó militarmente Saguia el Hamra, y la parte nortiza de Río de Oro, ente que Mauritania tomó'l control de la parte restante del Río de Oro sol nome de Tiris al-Gharbiyya. Gran parte de los habitantes del territoriu fuxó escontra la frontera d'Arxelia, y el Frente Polisariu proclamó la República Árabe Saḥariana Democrática y empezó una guerra de guerrilles pa consiguir la independencia del territoriu. Esto fizo que Mauritania abandonara'l territoriu en 1979. Marruecos entós dio en tomar el control total de les partes restantes de Río de Oro.
Dende 1991, gracies al alto'l fueu patrocináu por Naciones Xuníes, la mayor parte del territoriu ye alministráu anguaño per Marruecos. Pela so parte el Polisariu afirma controlar el restu, que ta casi despoblado. La llinia del altu'l fueu correspuende al denomináu muriu marroquín.
La República Árabe Saḥariana Democrática (RASD) foi reconocida por 82 países, munches d'elles árabes y ye un miembru de plenu derechu de la Xunión Africana. Sicasí la soberanía marroquina sobre'l territoriu ye reconocida explícitamente pola Lliga Árabe,[1]sofitándose n'inesactos mapes[2] y sofitáu por dellos otros estaos.
Alministrativamente, Marruecos estrema'l territoriu sol so control en tres unidaes alministratives o wilayas, pa les cualos diseñáronse banderes y escudos,[3] Esmara y L'Aaiún.[4]
Hubo más cambeos nel territoriu en 1983, cuando l'área paso a formar cuatro wilayas col'anexón de Dajla.[5] En 1990 foi anexonáu tamién Wadi al-Dhahab (Río de Oro).